Meme, fotografi, video: Të gjitha online duken argëtuese në shikim të parë, por mund të kenë në sfond një kuptim serioz, madje dhe radikal. Memet janë një fenomen interneti që ndahet shpesh me të tjerë. Ato bëjnë humor dhe ushtrojnë kritikë të lehtë. Ashtu siç e kërkon edhe kuptimi fillestar i fjalës, (greqisht „mimema" do të thotë "imitim”), memet kanë të bëjnë me diçka që ekziston dhe e paraqisin atë me një notë humori.Por memet nuk janë vetëm për të kaluar kohën. Në SHBA ato kanë kohë që janë kthyer në pjesë të fushatës elektorale që bëhet online. Çdo fotografi, çdo meme, çdo video është pjesë e lojës me të cilën duhen bindur votuesit, thotë Dan Pfeiffer, ish-drejtori për çështjet e komunikimit të ish-presidentit, Barack Obama."Fushatat politike sot janë luftëra moderne informacioni, operacione masive propagande, twitter- bots që lëshohen nga shtetet për të nxitur indijatën dhe për të ndikuar mbi raportimet apo faqe facebook-u që dërgohen nga ish-republikat e Bashkimit Sovjetik dhe mbërrijnë tek gjithnjë e më shumë njerëz në Nju Jork”, shkruan ai në një artikull për revistën online Wired. Edhe grupet radikale përdorin platformat për të përhapur bindjet e tyre tek njerëz që mendojnë njësoj, ose tek ata që janë në mëdyshje. Ketw vere sakaq ndodhi në facebook dhe një fenomen tjetër. Papritur u shfaqën thirrje për demostrata kundër koronavirusit tek grupe që deri atëherë nuk kishin pasur fare të bënin me këtë temë. Kjo tregon se mediat sociale janë një tokë pjellore perfekte për lëvizje të tilla, thonw ekspertet. Shumë politikanë dhe aktivistë po kërkojnë tani rregulla dhe ligje për të mundësuar bashkëjetesën e përgjegjshme digjitale. Pamjet: AFP