Ndërsa pandemia e koronavirusit vazhdon, zyrtarët e transportit në të gjithë botën po kërkojnë mënyra për ti mbajtur pasagjerët dhe ekuipazhin të sigurt në bordet e avionëve. Më 25 nëntor, administrata e aviacionit civil në kinë, publikoi udhëzimet e reja për industrinë ajrore të vendit. Dokumenti përmban këshilla për praktikat më të mira të higjenës që duhen ndjekur në bordin e një avioni apo në aeroporte. Por, një nga këto sugjerime, që personeli si psh stjuardesat, të mbajnë pelena në mënyrë që të mos kenë nevojë të përdorin banjon, ka habitur jo pak. Në një nëndarje në dokument këhsillohet ekuipazhi i pilotimit dhe i shërbimit në fluturimet drejt dhe nga vendet me rrezik të lartë, të mbajnë maska mjekësore, doreza mjekësore me dy shtresa, syze, kapela, veshje mbrojtëse etj. Ndërsa fjalia pasuese është: Rekomandohet që pjesëtarët e ekuipazhit të mbajnë pelena dhe të evitojnë përdorimin e tualeteve me qëllim që të evitojnë rrezikun e infektimit. Ndërsa një këshillë e tillë mund të duket dramatike, nuk është në fakt aspak sekret fakti se tualetet mund të jenë vendi më i rrezikshëm në një avion. Në gusht, një grua që udhëtonte nga italia drejt koresë së jugut, u prek nga koronavirusi gjatë udhëtimit dhe vajtja në tualet u përmend si burim i mundshëm i infektimit të saj. Modeli i tualeteve në avionë ka qenë temë e nxehtë që para covid 19, por pandemia i ka intensifikuar përpjekjet për të dalë me zgjidhje të reja. Një kompani japoneze njoftoi më herët këtë vit se po testonte një prototip të një dere tualeti pa dorezë. Ndërkohë, Boeing me sukses ka aplikuar për patentë për tuatelin vetëpastrues që përdor rreze ultraviolet për tu pastruar deri në masën 99 për qind pas cdo përdorimi.