Shqipëria mirëpret në 26 prill në një stërvitje të NATO mijëra ushtarakë dhe avionë të ndryshëm që do e përdorin Rinasin dhe jo vetëm, si destinacion për mbërritjen e tyre. Por a ka ndikim situata e krijuar në Rinas? Vetë organizata e Traktatit të Atlantikut të Veriut dhe të vendeve partnere të kësaj organizate, që do jenë pjesë e “Defender Europe 21” bëjnë me dije janë duke ndjekur zhvillimin e ngjarjes në Shqipëri. Ndërkohë, vetë Rama ka thënë se nuk duhet të lejohet asnjë rrezik për cenimin e sigurisë dhe mirëqarkullimit të hapësirës ajrore në Republikën e Shqipërisë, sidomos në kushtet kur për pak ditë në Shqipëri do të nisë përgatitja dhe zhvillimi i stërvitjes së përbashkët të forcave të vendeve anëtare të Organizatës së Traktatit të Atlantikut të Veriut dhe të vendeve partnere të kësaj organizate ‘Defender Europe 21’, nga ku pritet që trafiku ajror në vendin tonë të rritet ndjeshëm, si në fluturimet ushtarake, edhe në ato civile”.