Shpallja e mbarimit të mandatit të drejtoresësh së Byrosë Kombëtare të Hetimit Aida Hajnaj në datë 1 shtator në Këshillin e Lartë të Prokurorisë, u pasua me diskutime mbi buxhetin e institucionit të KLP, cka krijoi një debat të ashpës mes Sokol Stojanit, njërit prej anëtarëve drejtuar kryetares së institucionit. Stojani, një zë kritik i institucionit që ndryshe njihet si “qeveria e prokurorëve”, kritikoi kryetaren Mirela Bogdani për mënyrën menaxheriale të KLP, duke e akuzuar këtë të fundit për mungesë vizioni dhe për veprime që pengojnë funksionimin normal të strukturës. Me tone të larta, Stojani ngriti si shqetësim bllokimin e institucionit gjatë periudhës së pushimeve, madje kundërshtoi idenë e kryetares për të zhvilluar 15 trajnime jashtë kryeqytetit për stafin, duke thënë se KLP nuk është agjenci udhëtikesh.