Një ngjarje e rëndë është shënuar të premten e kësaj jave në një restorant të Spanjës, ku ka mbetur i vrarë me armë zjarri një shtetas shqiptar. Mediat e huaja spanjolle raportojnë se ngjarja ka ndodhur në restorantin e quajtur “The Orange Tree”, pak para mesnate, kur një person i armatosur dhe i mbuluar me kapuç hyn në ambientet e restoranti. Dëshmitarët në vendngjarje u thanë zyrtarëve se vrasësi u ngjit në tavolinën, ku viktima po darkonte me partneren e tij, e qëlloi disa herë me armë zjarri dhe u largua menjëherë nga vendi i ngjarjes. Mediat spanjolle shkruajnë se ky sulm vjen vetëm disa ditë pasi anëtarë të një grupi mafioz rus u vunë nën prangat e policisë për pastrim parash. Gjatë bastisjeve dhe kërkimeve në Alicante të Madridit, Tarragona dhe Ibiza, policia sekuestroi armë zjarri, 300.000 euro dhe diamante.