Dorëheqja e Luis Rubiales nga posti i presidentit të Federatës Spanjolle të futbollit dhe shkarkimi i Jorge Vildas si trajner i përfaqësueses kampione të botës, nuk mjaftuan për lojtaret që t’i jepnin fund bojkotit për grumbullimin në skuadrën kombëtare. 15 futbolliste që fituan titullin botëror muajin e kaluar ishin përfshirë ne listën e të grumbulluarave nga trajnerja e re e La Rojas, Montse Tome për ndeshjet e Nations League të femrave, por ato duket se nuk kanë ndërmend të përgjigjen dhe të vijnë në këtë grumbullim/ Në fakt 39 lojtare, nga të cilat 21 futbolliste kampione të botës konfirmuan se greva e tyre do të vazhdojë deri sa të bëhen ndryshime të tjera në federatë dhe këtu përfshihet edhe riorganizimi në disa prej departamenteve të këtij institucioni teksa deklaruan se nuk ndiheshin ende në një vend të sigurt.