Pas dorëzimit të kërkesës në Gjykatën e Posaccme antikorrupsion për shpalljen e pavlefshme të hetimeve të kryera nga SPAK, avokatët e Veliajt kanë reaguar sërish duke kërkuar që klientit të tyre ti vihen të gjitha fashikujt në dispozicion në formë të printuar dhe jo me USB. Sipas tyre, Veliaj nuk ka mundësi të përdorë USB në kushtet e izolimit dhe as ata nuk munden tia vënë në dispozicion fizikisht për shkak të volumit të lartë. Këtë muaj, Erion Veliaj i ka kërkuar zyrtarisht Prokurorisë së Posaçme për t’i vendosur në dispozicion një kopje fizike të materialeve hetimore, që lidhen me hetimin ndaj tij. Ai e ka bërë këtë kërkesë për të patur mundësinë që të përgatisë një mbrojtje efektive, bazuar edhe në të drejtën që i garanton neni 31 i Kushtetutës së Republikës së Shqipërisë dhe neni 6 i Konventës Evropiane për të Drejtat e Njeriut. Por, kërkesa u refuzua me argumentin se dokumentet i janë dorëzuar me anë të një USB-je avokatëve të tij. Një USB, e cila, në kushtet e izolimit ku ndodhet aktualisht z. Veliaj, në mungesë të plotë të aksesit në pajisje elektronike, është praktikisht e papërdorshme për të, dhe as ne nuk jemi në gjendje t’ia dërgojmë të gjitha aktet, për shkak të volumit të lartë të tyre. Pengimi i Veliajt për të takuar avokatët e tij ndërkombëtarë është ngritur edhe njëherë si shqetësim nga mbrojtësit ligjorë të kryebashkiakut të Tiranës. Sipas tyre SPAK vijon të refuzojë takimin e tij me avokatët, të cilët po përgatisin çështjen për në Gjykatën Europiane të të Drejtave të Njeriut. Si shkak i cështjet që hetoi SPAK, Veliajt i është pamundësuar edhe ushtrimi i detyrës si kryetar bashkie, shtojnë avokatët. Erion Veliaj mbahet në qelinë e paraburgimit që prej muajit shkurt të këtij viti, i dyshuar nga struktura e posaccme se ka kryer korrupsion pasiv në 9 raste, pastrim parash si dhe ka kryer veprën penale të fshehjes e mosdeklarimit të pasurisë. Hetimet ndaj tij dhe 29 persona të tjerë fizikë dhe juridikë u mbyllën disa javë më parë, teksa pritet që SPAK të zbresë dosjen në gjykatë.