Zëvendëskancelari i Gjermanisë, Lars Klingbeil, bëri thirrje të shtunën që të rishikohet mundësia e ndalimit të partisë të ekstremit të djathtë, Alternativa për Gjermaninë (AfD). deklaratat e tij erdhën në një kohë kur agjenci vendase të inteligjencës kanë nxjerrë dëshmi të shumta për këtë forcë politike që shihet si një grup ekstremist. “Ne duhet t’i luftojmë armiqtë e demokracisë. Nëse procedurat për ndalim mund të kenë sukses duhet të vendoset duke vlerësuar gjetjet e agjencive të inteligjencës”, tha ai për Funke Media Group të Gjermanisë. Bashkëudheqësi i socialdemokratëve në koalicionin e udhëhequr nga kancelari Merz, kërkoi marrjen e masve duke theksuar se qeveria nuk mund të ri më duarkryq përballë një partie që haptazi po kërcënon me shkatërrim të demokracisë. “Për këtë arsye, demokratët janë të obliguar që seriozisht ta shqyrtojnë mundësinë e procedurave ligjore për ta ndaluar AfD-në”, tha ai. Në muajin maj AfD u shpall grup ekstremist i krahut të djarhtë nga Zyra për Mbrojtjen e Kushtetutës. Ndërkohë rasti është duke u shqyrtuar në gjykatën e Apelit. Agjencitë e inteligjencës në nivel shtetëror kanë bërë klasifikime të ngjashme edhe për degët lokale të AfD-së, partisë më të madhe opozitare në Gjermani. Por ndërsa SPD-ja e Klingbeilit po kërkon krijimin e një grupi pune për të mbledhur dëshmi nëse AfD-ja vepron në mënyrë antikushtetuese, blloku konservator i Merzit mbetet skeptik dhe beson se procedurat ligjore mund të rrisin mbështetjen për AfD-në. kërkesa fillimisht duhet të shqyrtohet nga dy dhomat e parlamentit nëse dorëzohet e më pas do të jetë fjala e Kushtetuteses për ta vendosur.