Skënderbeu është zyrtarisht në Kategorinë e Parë për sezonin e ardhshëm. Matematika lejon Dinamon të shpresojë edhe pse në buzë të greminës. Të dyja skudrat u përballën këtë të hënë, ndërsa përfunduan në barazim 1-1. Korçarët mundën të shënojnë të parët në minutën e 83’ me Elvi Berishën. Kur gjithçka dukej se po shkonte në favor të korçarëve, një penallti në minutat e fundit solli golin e barazimit. Sabien Lilaj ekzekutoi saktë dhe ndëshkoi ish-skuadrën e tij duke e çuar një kategori më poshtë. Vllaznia ka marrë një fitore me aromë Evrope ndaj Kukësit, të cilin e mposhti me rezultatin 2-1. Ndeshja ishte e barabartë deri në minutn e 95’, teksa heroi ishte Mehdi Çoba iardhur nga stoli që shënoi golin me vlerën e 3 pikëve. Takimi ishte I luftuar nga të dyja skuadrat, me shkodranët më kërkues që gjetën golin me Da Silvën në minutën e 43’. Bruno Lulaj solli barazpeshën e përkohshme, duke përfituar nga një top I mbetur 3 metra larg portës e gjuan duke mposhtur Zogovic. Skuadrat vijuan tentativat për gol, teksa fati I buzëqeshi shkodranëve ku në minutën e 95 Çoba realizoi golin e dytë për të tijët.