Komisioni Europian akuzohet se ka ngadalësuar dhe kufizuar blerjen e dozave të vaksinës anti-Covid të prodhuar nga BioNTech dhe Pfizer sepse nuk donte të dëmtonte grupin francez Sanofi, me të cilin tashmë ka nënshkruar një kontratë, por që po vonohet me krijimin e variantit të tij të vaksinës. Akuza e rëndë u hodh në një reportazh të gjatë nga e përjavshmja gjermane Der Spiegel, sipas së cilës kjo do të shpjegonte vonesat e medha krahasuar me vendet e tjera (të tilla si Shtetet e Bashkuara dhe Mbretëria e Bashkuar) që I kanë nisur tashmë vaksinimet. BE-ja u mbrojt duke përmendur procedurat e saj më të rrepta të miratimit të medikamteneve të reja. Berlini zyrtar kishte këmbëngulur fort gjatë javëvë të fundit, që EMA, Agjencia europiane e Barnave të avansonte miratimin e vaksinës së BioNTec. Angela Merkel e ktheu në një cështje gati personale kur takoi dy krijuesit e vaksinës, Ozlem Tureci dhe Ugur Sahin. Sipas të përjavshmes së njohur megjithatë, tani është shumë vonë. “ BE-ja bleu pak vaksina e me shumë vonesë”, thote der Spiegel, sipas të cilit, nëse gjërat nuk ndryshojnë, Gjermania nuk do të ketë sasinë e vaksinave të nevojshme për të vënë nën kontroll pandeminë deri vjeshtën e ardhshme. Bashkimi Europian ka porositur gjithsej 1.3 miliardë doza vaksinash, por për momentin janë dorëzuar vetëm një pjesë e vogël e tyre: 300 milion të versionit BioNTech-Pfizer dhe 80 milionë nga Moderna.