Të gjithë janë të shqetësuar për lajmin e shfaqjes së një lloji të ri të koronavirusit të quajtur omicron. Megjithatë, sipas informacioneve të njohura deri më tani për atë variant, nuk ka arsye të tepruar për t'u shqetësuar. Ende nuk dihet shumë për omicron dhe do të duhen disa javë për të mësuar më shumë për këtë lloj, por sipas informacioneve të njohura nga Afrika e Jugut, ai shkakton vetëm simptoma të lehta. Një përfaqësues i Organizatës Botërore të Shëndetësisë (OBSH) i tha Reuters se shumica e pacientëve nuk janë në gjendje të rëndë klinike për momentin, megjithëse kjo nuk do të thotë se është e pamundur që kjo të ndodhë.