Spanja ka e ka konsideruar "egoist, polarizues dhe të paligjshëm" reagimin e disa vendeve të Bashkimit Europian ndaj dyndjes së rreth 60 mijë emigrantëve nga Maroku në enklavën e saj afrikane, Ceuta. Zyrtarët thanë se pothuajse të gjithë ata që arritën në enklavë më 30 korrik janë kthyer mbrapsht, ndërsa ministri i Brendshëm i Spanjës Fernando Grande-Marlaska tha të shtunën se numri i të vdekurve ishte rritur në të paktën 67. Deklarata e Madridit vjen pasi Italia pezulloi përkohësisht marrëveshjen e Shengenit me Spanjën, pasi kryeministrja Giorgia Meloni i quajti skenat "tronditëse". Finlanda dhe Danimarka mbështetën masën e Italisë, ndërsa kryeministri çek Andrej Babish kërkoi një pezullim të përkohshëm të të Spanjës nga Shengen. Në një letër drejtuar Presidentes së Komisionit Evropian, Ursula von der Leyen, kryeministri spanjoll Pedro Sanchez tha se kishte "shqetësime serioze" për disa qeveri europiane. Ai tha se qeveria spanjolle kishte rivendosur plotësisht kontrollin mbi kufirin dhe parandaloi çdo "lëvizje të paautorizuar drejt Europës kontinentale" në më pak se 48 orë. Ndërsa shumica kishin treguar "mbështetje dhe solidaritet", Sanchez tha se disa qeveri europiane kishin zgjedhur të sulmonin Spanjën, "të shtyrë nga paragjykimi, lajmet e rreme, injoranca ose interesi politik" dhe vuri në dukje se Ceuta nuk ishte pjesë e zonës Shengen. “Bashkimi Europian nuk mund ta përballojë këtë lloj reagimi egoist, polarizues dhe të paligjshëm”, tha ai.