Një raketë e SpaceX, jashtë kontrollit, është në një kurs përplasjeje me hënën pasi u nis në një mision më shumë se një vit më parë. Pjesa e sipërme e raketës do të përplaset në hënë të mërkurën, duke krijuar një krater dhe duke dërguar një re pluhuri dhe mbeturinash që shkencëtarët mezi presin ta vëzhgojnë. Ekspertët parashikojnë që ajo të bjerë pranë Kraterit Ajnshtajn, në pjesën perëndimore të hënës, të ndriçuar nga dielli. Gjithcka do të ndodhë në orët e para të mëngjesit dhe pjesët lindore të SHBA-së dhe Kanadasë, dhe pjesa më e madhe e Amerikës së Jugut pritet të kenë pamjet më të mira. Edhe pse shkencëtarët nuk janë shumë të shqetësuar për këtë mbetje hapësinore që do përplaset në hënë, kjo nxjerr në pah kërcënimin në rritje ndërsa gjithnjë e më shumë objekte grumbullohen në orbitë. Nuk ka qenë kurrë qëllimi i SpaceX që raketa e saj të godiste hënën. Por ekspertët e hapësirës thonë se përplasja mund të ishte shmangur nëse pjesa e sipërme do të ishte shtyrë në orbitë rreth diellit. Kjo do të jetë raketa e dytë që përplaset aksidentalisht në hënë. Një segment rakete kineze hapi një krater në anën e errët të hënës në vitin 2022. Për fat të mirë të astronomëve, përplasja e radhës do të ndodhë në anën e ndricuar dhe më të afërt të hënës, dhe do të clirojë një energji ekuivalente me tre tonë TNT. Shpërthimi nga përplasja, që zgjat më pak se një sekondë, sidoqoftë mund të jetë shumë I zbehtë për tu parë. Por pluhuri e mbetjet mund të shtrihen për disa km në hapësirë dhe do të mbeten të dukshme për teleskopët për dhjetëra minuta.