Ekspertetët e ekonomisë në Kosovë, shprehen se trendi i rritjes së regjistrimeve të bizneseve këtë vit i raportuar nga qeveria në detyrë, nuk përputhet me qarkullimin. Sipas tyre, shumë biznese po regjistrohen vetëm për t’i ikur kostos së lartë të energjisë dhe jo si rezultat i zgjerimit ekonomik. Në një intervistë për Ekonomia Online, eksperti financiar Kushtrim Ajvazi statistikat nominale të regjistrimit nuk japin një pasqyrë të saktë të vlerës së shtuar në ekonomi. Sipas tij, përveç numrit të regjistruar, duhet të analizohet qarkullimi real i bizneseve, që tregon ndikimin e tyre ekonomik. Eksperti thotë se inflacioni deri në muajin shtator ishte rreth 5.1 për qind, rritja reale e qarkullimit është minimale, as 1 për qind, pra nuk ka rritje reale të qarkullimit të bizneseve. Ai paralajmëroi se disa biznese kanë përdorur regjistrime të ndara për të shmangur barrierat në treg, duke krijuar iluzion të rritjes reale. Sakaq, ish-kryetari i Odës Ekonomike, është shprehur se se cështja e numrit të bizneseve të regjistruara që po paraqitet nga qeevria në detyrë është manipulim gjatë fushatës zgjedhore dhe mund të japë një pasqyrë të gabuar të gjendjes reale ekonomike. Sipas tij, Kosova ka nevojë për qëndrueshmëri të bizneseve. Eskpertët shpjegojnë tri tri dukuri që ndikojnë në numrin e bizneseve të regjistruara: krijimi i kompanive të reja nga bizneset ekzistuese për lehtësim, regjistrimi i kompanive për të shmangur vendimin e ZRRE-së mbi çmimet e energjisë dhe hyrja e bizneseve të reja në tregti dhe IT. Kryeministri në detyrë, Albin Kurti ka deklaruar se përgjatë mandatit të tij qeverisës numri i bizneseve të regjistruara është ngritur këtë vit dhe se kjo është rritja më e lartë se në çdo vit tjetër para qeverisjes së VV-së. Sipas qeverisë në detyrë, numri i ndërmarrjeve të reja të regjistruara tashmë ka kaluar shifrën prej 11 mijë.