Luftar Reçi është njeriu që me dëshminë e tij dhënë në prokurorinë e posaçme SPAK bëri të prekshëm për ligjin emrat e të fortëve të Tiranës, Durrësit e Vlorës, që deri para kësaj dëshmie konsideroheshin të paprekshëm. Reçi, një i dënuar me 25 vite burgim nga gjykata e Burrelit, për vrasjen e Maksim alias Aleks Lalës, ka treguar në tre rëfime atë të datës 21 tetor, 31 tetor dhe 26 nëntor 2020, të gjithë veprimtarinë kriminale që ka pasur me Lulzim Berishën dhe anëtarët e tjerë të bandës së tij si dhe të vrasjes së biznesmenit Vajdin Lamaj, ku te kjo e fundit u përfshi për herë të parë edhe emri i Emiljano Shullazit e Viktor Ymerit.