Një cift holandez janë bërë pronarët e parë në evropë të një shtëpie të printuar tërësisht në 3D në një zhvillim që mbështetësit besojnë se do të hapë një botë të re zgjedhjesh në formë dhe stil për shtëpitë e të ardhmes. Elize Lutz, 70 vjec dhe Harrie Dekkers, 67 vjec, dy shitës në pension nga amsterdami, morën celësin e tyre të parë digjital, një aplikacion që i lejon të hapin derën kryesore të shtëpisë me dy dhoma gjymi, me një shtypje butoni. Në forma që vështirë se mund të realizohen me metodat tradicionale, shtëpia është e para nga gjithsej pesë të planifikuara nga një kompani ndërtimi në vend, në një pjesë toke në anë të kanalit Beatrix, në Eindhoven. Në dy vitet e fundit, ka patur shtëpi të ndërtuara pjesërisht në printim 3D në Francë dhe SHBA ndërkohë që projektet po përhapen në të gjithë botën. Por, ata që qëndrojnë pas shtëpisë holandeze, me 94 metra katrorë sipërfaqe jetese, thuhet se kanë lënë pas rivalët duke bërë të parën pronë të banueshme të printuar plotësisht nga një printer 3D. Metoda e printimit në 3D, përfshin një krah të madh robotik, me një kanal që nxjerr një lloj cementoje speciale. Cementoja printohet sipas dizajnit të arkitektit duke shtuar shtresë pas shtrese për të krijuar një mur dhe për të rritur rezistencën e tij. Edhe pse është në ditët e para të saj, metoda me printim 3D shihet nga shumëkush në industrinë e ndërtimit si një mënyrë për të reduktuar koston dhe dëmet ambjentale përmes reduktimit të cementos të përdorur. Në Holandë, ajo siguron dhe një alterativë për shkak të mungesës së ndërtuesve të aftë.