Pa turma vizitorësh edhe para pandemisë, fshatrat e bukur pranë romës, me akses në pista skijimi dhe panorama mahnitëse, rajoni italian i Abruzzo-s ka shumë për të ofruar si destinacion. Por deri kohët e fundit, sidoqoftë, nuk ofronte shtëpi në shitje për 1 euro. Kjo tani ka ndryshuar. Edhe Abruzzo i është bashkuar klubit të shtëpive 1 euroshe me prezantimin e një skeme të re në qytezën piktoreske të Pratola Peligna-s. E ndodhur në malet apenine, pranë disa prej pistave më të mira të skiimit, ai është një vend i përzgjedhur me një strukturë mesjetare plot me shtëpi të braktisura që autoritetet lokale shpresojnë që tu japin jetë së shpejti. Si edhe shumë fshatra dhe qytete të tjera që shesin shtëpi të lira, Pratola Paligna ka vuajtur nga rënia e popullatës. Në vitet 1930, ajo kishte rreth 13 mijë banorë por zyrtarët lokalë thonë se tani banorët janë vetëm 7 mijë. Shumë shtëpi janë lënë bosh ndërsa familjet janë larguar në kërkim të një të ardhmeje më të mirë diku tjetër. Gjendja e rrënuar e këtyre shtëpive të vjetra është përkeqësuar akoma më shumë edhe nga disa tërmete. Para prezantimit të skemës së shtëpive 1 euroshe, zyrtarët lokalë bënë një verifikim të pronave, u përpoqën të kontaktonin me pronarët e vjetër dhe më pas identifikuan shtëpitë që mund të dilnin në shitje. Nga gjithsej 630 shtëpi të pabanuara, rreth 250 mund të shiten për 1 euro. Pamjet: AFP