Një shqiptar është arrestuar nga Policia Italiane, pasi më parë bëri një prej manovrave të frikshme të lëvizjes në rrugë. Ai po ecte me një shpejtësi të frikshme, por pas shenjës së patrullës së karabinierëve, jo vetëm nuk ka ndaluar, por ka rrezikuar përplasjen e tyre. Ngjarja ndodhi në në Monza në Itali dhe protagonist ka qenë një 30-vjeçar shqiptar. Shqiptari, i njohur për policinë me pseudonime të ndryshme për të cilin ishte lëshuar një urdhër-ndalimi për shfrytëzim prostitucioni, tentoi t'i ikte postbllokut të forcave të rendit. I arratisuri po ngiste një Fiat Punto kur pa karabinierët. Ai fillimisht ngadalësoi shpejtësinë por papritmas shtoi shpejtësinë duke rrezikuar jetën e dy efektivëve. Pas një ndjekjeje si nëpër filma, 30-vjeçari shqiptar u ndalua por sërish bëri rezistencë. Ai doli nga makina dhe u hodh në çatinë e makinës së karabinierëve dhe tentoi të arratisej në këmbë. Por ai u ndalua dhe u dërgua në burg në Monza. Përveç akuzës për rezistencë, shqiptari do të duhet të paguajë edhe dëmet materiale.