Ndërprerja e marrëdhënieve diplomatike me Iranin ishte hapi i fundit i një sërie përplajesh të forta mes Shqipërisë dhe Iranit. Prania e muxhahedinëve disidentë e ka kthyer disa herë Shqipërinë në prenë e aktiviteteve malinje të Iranit dhe është bërë shkak për acarim të vazhdueshëm të marrëdhënieve mes dy vendve. Kjo ka sjellë së fundi edhe përfshirjen indirekte të Shqipërisë në konfliktin mes SHBA dhe Iranit. Edhe përpara vendimit të prerë për largimin e të gjithë sfafit diplomatic, tensionet arritëm sërish kulmin kur Kryeministri Rama dëboi nga Shqipëria ambasadorin Iranian në vitin 2018. Situata u rëndua më tej kur më 3 Janar të këtij viti forcat Amerikane vranë në Irak gjeneralin Kasem Sulejmani. Ai ishte gjenerali i forcave Kuds. Elita e forcave të armatosura të Iranit. Ajatollahut Khamenei kërcënoi me hakmarrje shtetet e bashkuara. Por kërcënoi për herë të parë hapur edhe Shqipërinë… Në vitin 2020, lideri suprem i Iranit, Ali Khamenei, drejtoi gishtin ndaj Shqipërisë, duke iu referuar asaj si "një vend i vogël, por i djallëzuar evropian, ku elementët amerikanë komplotojnë me tradhtarët iranianë dhe planifikojnë sulme kundër Republikës Islamike".