Mali Sinabung në Indonezi, shpërtheu edhe një herë tjetër të premten duke lëshuar një kolonë të dendur hiri vullkanik deri në lartësinë e 2,8 km në qiell. Fshatrat afër vullkanit ishin evakuuar gjatë shpërthimeve të mëparshme, ndaj nuk pati as zhvendosje të tjera dhe as të lënduar në këtë shpërthim më të fundit. Njerëzit janë këhsilluar të qëndrojnë 5 kilometra larg kraterit dhe të jenë të ndërgjegjshëm për hirin apo të ashtuquaujturat ortekë mbetjesh vullkanike. Aktiviteti në vullkan po rritet me të paktën 15 shpërthime më të vogla të regjistruara javën e shkuar, tha Armen Putra, një zyrtar në zyrën e monitorimit Sinabung. “Potenciali për shpërthim është ende i lartë. Do të ketë akoma më shumë shpërthime në të ardhmen”, tha ai. Sinabungu është një nga vullkanët më aktivë në Indonezi dhe rreth 30 mijë njerëz janë detyruar të braktisin shtëpitë përreth tij gjashtë viteve të fundit. Sinabungu është mes më shumë se 120 vullkanëve aktivë në në indonezi, vend ky që ndodhet në të ashtuquajturën Unazë Zjarri, një varg vullkanesh dhe pllakash tektonike që rrethojnë oqeanin paqësor. I lartë 2460 metra, Sinabungu ka qëndruar i fjetur për shekuj para se të kthehej në jetë në 2010-ën me një shpërthim që vrau dy persona. Pas një tjetër periudhe inaktiviteti ai shpërtheu sërish në 2013-ën, dhe ka qëndruar aktiv që atëherë.