Instituti Gjeologjik amerikan tha se mali vullkanik Kilauea në ishullin amerikan të Haëaiit ka shpërthyer sërish, duke prodhuar shatërvanë lave. Ende nuk është e qartë nëse ka pasur ndonjë dëm. Agjencia tha se dy shatërvanë llave shpërthyen rreth orës 8:45 të së shtunës. Më herët, një tjetër shatërvan ishte ngritur nga një tjetër e carë. Agjencia tha se është jashtëzakonisht e rrallë që vullkani të ketë tre shatërvanë aktivë lave. Rrjedha e llavës raportohet se është ngritur deri në 370 metra lartësi. Agjencia ka paralajmëruar banorët në një zonë të gjerë që të minimizojnë ekspozimin ndaj dioksidit të squfurit dhe gazrave të tjerë që mund të ndikojnë në sistemet e frymëmarrjes. Shkencëtarët në Shërbimin Gjeologjik amerikan thanë se po monitorojnë nga afër rritjen e aktivitetit sizmik dhe sjelljen e rrjedhës së lavës, por për momentin asnjë komunitet nuk rrezikohet.