Shpallet në kërkim ish kreu i kadastrës së Vlorës Klodian Troçi i cili u dorëhoq disa ditë më parë. Shpallja e tij në kërkim u bë pas vendimit të Gjykatës së Vlorës, që caktoi për të masën e sigurisë “arrest me burg”. Troçi punoi për rreth 3 muaj në Drejtorinë e Pronave në Qarkun e Vlorës, ndërsa nga posti i kreut të AKSH-së Vlorë ishte larguar vetëm dy javë më parë. Ai akuzohet për shpërdorim detyre dhe për falsifimin dokumntsh të pronave në Dhërmi. Prokuroria ka kërkuar arrest me burg për Trocin dhe thotë se atij i janë gjetur dhe sekuestruar prova të shumta materiale, si dhe një shumë prej 60.000 Euro. Sipas dosjes së Prokurorisë, që nga viti 2019 deri në vitin 2021, Klodian Troçi, Bardhyl Gjika dhe specialisti në drejtorinë e administrimit të tokave, Kreshnik Mino kanë bashkëpunuar duke falsifikuar dokumente arkivore të pronësisë, të fshatrave Himarë e Dhërmi, etj. të Bashkisë Himarë. Disa dokumente pronësie të falsifikuara i janë dërguar atyre edhe nga 51-vjeçari Spiro Duni, banorë i Himarës, për të cilin gjykata vendosi këtë të diel masen e sigurise 'arrest me burg'. Po ashtu në burg u la sot edhe Bardhyl Gjika, ndërsa për Kreshnik Minon u caktua masa e arrestit detyrim paraqitje.