Nëntë zjarrfikës brazilianë janë vrarë pasi një guvë u shemb në një stërvitje trajnuese ndërkohë që ekipet nxituan të nxirrnin të mbijetuarit nga rrënojat. Aksidenti tragjik ndodhi ndërsa 26 zjarrfikës po trajnoheshin në një guvë në afërsi të qytetit Altinopolis. Policia dhe skuadrat e emergjencave iu bashkuan zjarrfikësve në një përpjekje të dëshpëruar për të nxjerrë nga rrënojat personat e bllokuar, por puna e tyre u vështirësua shumë nga shirat e rrëmbyeshëm. Aksesi në vendin e largët ishte i vështirë dhe kërcënimet për kolapse të tjera vështirësuan përpjekjet e shpëtimit. Dhe raportet kanë konfirmuar tashmë se të nëntë zjarrfikësit që ndodheshin brenda guvës së shembur kanë humbur jetën. “Nëntë viktima dhe një person i shpëtuar. Nuk ka persona të tjerë në vendin e tragjedisë”, tha departamenti i zjarrfikësve.