Këshilltari i Shtëpisë së Bardhë për Sigurinë Kombëtare, Mike Waltz, tha se Shtetet e Bashkuara synojnë të arrijnë një paqe të përheshme mes Moskës dhe Kievit, që përfshin shkëmbim territoresh, në këmbim të garancive të sigurisë, të drejtuara nga Evropa. Ai shtoi se për këtë nevojitet një udhëheqës ukrainas që është i gatshëm për të arritur një paqe të qëndrueshme me Rusinë, por nuk është e qartë nëse Zelenksi është i përgatitur për një gjë të tillë. I pyetur nëse Trump dëshiron dorëheqjen e Pesidentit Zelenskiy, Ëaltz tha për programin “State of the Union” të rrjetit CNN se “Ne kemi nevojë për një udhëheqës që mund të merret vesh me ne, mundësisht me Rusisë dhe t’i japë fund luftës”. “Nëse bëhet e qartë se motivet personale ose politike të Presidentit Zelenski bien ndesh me dhënien fund të luftës në vendin e tij, atëherë mendoj se kemi përpara një problem real”, tha Ëaltz. Kryetari i Dhomës së Përfaqësuesve, Mike Johnson, sugjeroi gjithashtu se Ukrainës mund t’i duhet një udhëheqës tjetër nëse Presidenti Zelenski nuk pajtohet me kërkesat e Shteteve të Bashkuara. "Diçka duhet të ndryshojë. Ose ai duhet të vijë në vete dhe të kthehet në tryezë me mirënjohjeje, ose dikush tjetër duhet të udhëheqë vendin për ta bërë këtë”, tha Johnson. Takimi i së premtes në Zyrën Ovale shfaqi publikisht tensionet mes Presidentit Zelenskyy dhe Trump. Si rrjedhojë, një marrëveshje mes dy vendeve për të shfrytëzuar së bashku mineralet e rralla të nëntokës ukrainase, nuk u firmos. “Nuk ishte e qartë për ne që Presidenti Zelenski ishte gati për të negociuar dhe në mirëbesim për t’i dhënë fund kësaj lufte”, tha Ëaltz. Edhe Marco Rubio, shefi i diplomacisë amerikane tha se nuk kishte folur që nga e premtja as me Presidentin Zelenski as me Ministrin e Jashtëm të Ukrainës, Andrii Sybiha. “Do të jemi gati të riangazhohemi kur ata të jenë gati për paqe”, tha Rubio.