John Kerry, i dërguari amerikan për klimën është nisur drejt kinës, kur do të përpiqet të promovojë synime më ambicioze për klimën, para samitit virtual të kombeve të bashkuara që do të mbahet këtë muaj. Kina dhe SHBA janë përplasur ashpër për cështje tregtare, të drejtat e njeriut etj, dhe misioni i Kerry-t për pajtim për klimën, do të jetë i vështirë. I dërguari amerikan për klimën John Kerry, do të niset drejt Kinës më 14 prill, për të promovuar synime më ambicioze për klimën, para një samiti virtual, të cilin do ta drejtojë presidenti amerikan Joe Biden, javën e ardhshme. Synimet e Kerryt janë për “të diskutuar rritjen e ambicieve për klimën globale”, para samitit të Bidenit për klimën më 22-23 prill, ka thënë Departamenti amerikan i Shtetit përmes një deklarate. Aty është thënë se Kerry, mes tjerash, do të diskutojë edhe rreth përgatitjeve për konferencën e 26-të të Kombeve të Bashkuara për klimën, që mbahet në nëntor të këtij viti në Glasgoë. Bashkëpunimi i Kinës është “absolutisht kritik”, në luftim të krizave klimatike, ka thënë Kerry për kanalin CNN. “Po, ne kemi mospajtime të thella me Kinën në disa çështje, absolutisht. Mirëpo klima duhet të ndahet”, ka thënë Kerry. Shtetet e Bashkuara dhe Kina janë përplasur për çështje tregtare dhe të drejta të njeriut, tash e një kohë. Kina zë vendin e parë në botë për emetime të karbonit nga djegia e naftës dhe thëngillit, Shtetet e Bashkuara janë të dytat.