Forcat ajrore amerikane do të kryejnë një rishikim global të sigurisë së tyre pasi një person I panjohur arriti të hynte në bazën që strehon avionin presidencial, Air Force One. Burri I paarmatosur jo vetëm hyri në bazën e ndodhur në Maryland, por u ngjit dhe në një avion C-40, pjesë e flotës së përdorur nga krerët e qeverisë. “ Të gjithë po e marrin shumë seriozisht këtë incident”, deklaroi zëdhënësi i departamentit të mbrojtjes John Kirby. Nuk ka asnjë të dhënë që të tregojë se personi në fjalë është I lidhur me ndonjë grup ekstremist. Sipas një deklarate të forcave ajrore, ai është arrestuar nga rojet e sigurisë së bazës në fjalë. Nga episodi nuk ka pasur asnjë të lënduar. Baza “ Joind Andreës Base” ndodhet rreth 24 km nga Shtëpia e Bardhë në Uashington DC dhe përdoret shpesh nga presidenti, zvëndespresidenti dhe udheheqës të tjerë të lartë të SHBA-së. Hetimin mbi ngjarjen e pazakontë do ta marrë në dorë vetë Inspektori i përgjithshëm i Forcave Ajrore, ndërsa do të ketë një rishikim të procedurave të sigurisë në bazat e forcave ajrore amerikanë në mbarë botën. Ngjarja vjen gati një muaj pas trazirave të 6 janarit, kur një turmë mbështetësish të Donald Trumpit mësynë ndërtesën e Kongresit, duke detyruar edhe aty ashpërsimin e protokolleve te sigurisë.