Nuk kanë të ndalur infektimet nga koronavirusi në vendin tonë. për të tretën ditë me radhë numri i të infektuarve ka kaluar shifrën 1000 persona. metë dhënat e të premtes u shënua një tjetër rekord infektimsh, ku u raportuan 1089 raste të reja më covid 19, si pasojë e 4270 testimeve të kryera ndaj personave të dyshuar. Me këto raste, numri përgjithshëm i të prekurve në 11 muajt e pandemisë ka shkuar në 83 082 persona. Sërish Tirana qëndron në krye listës me 403 raste të reja, 59 janë shënuar në Durrës, 56 në Lushnje, 52 në Fier, 42 në Vlorë, 39 në Lezhë, 36 në Sarandë, 35 në Elbasan, 33 në Krujë, 31 në Kuçovë, 26 në Shkodër, 25 në Berat, nga 23 raste në Kurbin, Korçë, 21 në Kukës, 18 në Kamëz, 16 në Librazhd, 13 në Gjirokastër, 11 në Kavajë, 9 në Peqin dhe më pak raste në bashkitë e tjera të vendit. I lartë është edhe numri i viktimave që kanë humbur jetën këto 24 orë, dhe janë 15 qytetarë, 10 prej të cilavë nga Tirana dhe 2 qytetar nga Durrësi, 1 qytetar nga Kavaja, 1 qytetar nga Elbasani, 1 qytetar nga Dibra, të moshave 34 -86 vjeç. me shtimin e infektimeve ka pasur edhe shtim të numrit të pacientëve që po trajtohen në spitalet Covid ku konfirmohet se janë shtuar 423 pacientë, 27 në terapi intensive nga të cilët 12 pacientë janë të intubuar. I vetmi lajm pozitiv në të dhënat e 24 orëve të fundit, është numri i të shëruarve që janë 676 qytetarë, duke e çuar numrin e të shëruarve 50,219 që nga fillimi i epidemisë, ndërsa raste aktive janë 31 430, shifër kjo që ekspertët e konsiderojnë alarmante. Ministria e Shëndetësisë ju bën apel qytetarëve të mos e ulin vigjilencën dhe të vijojnë të zbatojnë rregullat antiCOVID duke vendosur maskën mbrojtëse në çdo ambient jashtë shtëpisë; duke shmangur grumbullimet dhe duke ruajtur distancimin fizik; duke u kujdesur për higjenën vetjake, në mënyrë që të parandalohet përhapja e COVID-19.