Një sëmundje misterioze që po vret dhjetëra fëmijë, është përhapur tani tek 30 mijë vetë në mesin e frikës se mund të vazhdojë të përhapet më shumë. Virusi, që besohet se është tifo apo ethe hemoragjike, po përhapet shpejt në një shtet verior të Indisë. Ndërsa vendi po ngrihet ngadalë nga një valë e dytë vdekjeprurëse e koronavirusit, vdekjet në Uttar Pradesh kanë shkaktuar panik mes mjekëve në spitale. Rreth 30 mijë vetë në qytetin Kanpur, tani janë infektuar me virusin, sipas mediave lokale. Më shumë se 40 persona, kryesisht fëmijë, raportohet se kanë humbur jetën nga virusi javën e kaluar. Shumë nga të infektuarit janë shtruar në spital duke u ankuar për dhimbje, dehidratim dhe të vjella. Të gjithë pacientët janë testuar edhe për koronavirus ndërkohë që nuk është gjetur asnjë lidhje mes dy sëmundjeve deri më tani. Ka raporte konfliktuale për atë që sëmundja misterioze është. Disa pacientë kanë rezultuar pozitivë për ethe hemorragjike, ndërsa të tjerë pretendojnë se sëmundja është tifo. Gjatë luftës së dytë botërore, ka patur epidemi tifoje në disa vende ndërsa në indi ka patur shpërthime të konsiderueshme në vitet 2003 dhe 2007.