Një ndërtesë e bombarduar në Beograd, e cila ka shërbyer si një simbol kombëtar i sulmeve të NATO-s në Serbi të vitit 1999, së shpejti do të shndërrohet në një hotel luksoz, të financuar nga dhëndri i ish presidentit amerikan Donald Trump, duke zemëruar banorët e qytetit. Jared Kushner, i cili gjithashtu shërbeu si këshilltar i vjehrrit të tij gjatë presidencës, konfirmoi në mes të marsit planet e tij për të investuar në pasuri të paluajtshme luksoze në Serbi, duke përfshirë vendin ku dikur ishte seliua e ushtrisë jugosllave. Anëtari i parlamentit të opozitës serbe Aleksandar Jovanoviç Cuta dhe një investigim nga Neë York Times zbuluan se qeveria serbe do t'ia transferonte ndërtesën dhe tokën përreth, një kompanie në pronësinë e Kushner. Planet e zbuluara treguan se ndërtesa do të zëvendësohet nga tre kulla të mëdha xhami, vetëm disa metra larg ministrisë serbe të mbrojtjes dhe asaj të jashtme. Kontrata 99-vjeçare iu dha kompanisë së Kushnerit pa pagesë, tha Neë York Times. Shitja e ndërtesës është në fakt një çështje e ndjeshme për serbët pasi ajo është bërë emblema e fushatës së bombardimeve ajrore të NATO-s të udhëhequr nga SHBA në vitin 1999 që i dha fund luftës në Kosovë. "Të lëmë kështu për 200 vjet të tjera nuk është në të vërtetë një zgjidhje," Por unë jam kundër idesë për t'ia dhënë si dhuratë kujtdo, veçanërisht atyre që iniciuan atë që ndodhi."