Presidenti amerikan Donald Trump i ka kërkuar britanisë së madhe dhe vendeve të tjera të dërgojnë anije luftarake në Ngushticën e Hormuzit për të ndihmuar në sigurimin e rrugës kryesore të transportit detar nga Lindja e Mesme. Presidenti amerikan tha se shpresonte që Kina, Franca, Japonia dhe Koreja e Jugut gjithashtu të dërgonin anije në këtë kalim, ku thuhet se një numër tankerash janë sulmuar që kur SHBA-të dhe Izraeli nisën luftën e tyre kundër Iranit dy javë më parë. Duke iu përgjigjur komenteve të Trump, Ministria britanike e Mbrojtjes tha se po diskutonte "një sërë opsionesh për të garantuar sigurinë e transportit detar në rajon" me aleatët. Teherani ka thënë se do të vazhdojë të bllokojë ngushticën - kanalin më të ngarkuar të transportit detar të naftës në botë, përmes të cilit zakonisht kalojnë rreth 20% e furnizimeve botërore me naftë. Mbyllja e saj efektive, si dhe sulmet në infrastrukturën e transportit detar dhe të energjisë që nga fillimi i luftës, kanë çuar në një rritje të madhe të çmimeve globale të naftës. Trump shkroi në platformën e tij Truth Social të shtunën se "shumë vende" do të dërgonin anije luftarake në bashkëpunim me SHBA-në për të ndihmuar në mbajtjen e ngushticës "të hapur dhe të sigurt". Ai pretendoi se "100% e aftësisë ushtarake të Iranit" ishte shkatërruar tashmë, por se Teherani ende mund të "dërgojë një ose dy dronë, të lëshojë një minë ose të nisë një raketë me rreze të afërt diku përgjatë ose brenda kësaj rruge ujore". Britania e madhe ka raportuar se 16 anje janë sulmuar në dhe përreth ngushticës së hormuzit që nga fillimi i luftës më 28 shkurt. Aktualisht, as Marina Amerikane nuk po shoqëron cisterna nëpër rrugën e ngushtë të transportit detar.