Ukraina dëshiron para dhe teknologji në këmbim të ndihmës që u jep vendeve të Lindjes së Mesme për t'u mbrojtur kundër dronëve kamikazë iranianë, tha Presidenti Volodymyr Zelenski, pasi Kievi dërgoi specialistë në katër vende në rajon. Zelenski u tha gazetarëve të dielën se secili prej tre ekipeve të dërguara në Lindjen e Mesme përbëhej nga dhjetëra ekspertë, të cilët do të kryejnë vlerësime dhe do të demonstrojnë se si duhet të funksionojnë mbrojtjet nga dronët. Shtetet e Gjirit kanë shpenzuar sasi të mëdha raketash mbrojtëse ajrore për t'iu kundërvënë dronëve sulmues të Iranit dhe kanë kërkuar ekspertizën e Ukrainës në rrëzimin e tyre. Kievi rrëzon dronë rusë çdo natë duke përdorur një sërë armësh, duke përfshirë dronë më të lirë dhe më të vegjël ose pajisje bllokimi. Zelenski ka thënë se pothuajse që vende në të gjithë botën kanë kërkuar ndihmë nga Ukraina se si t'i kundërpërgjigjen sulmeve me dronë. Ai tha më herët këtë javë se ekipe ishin dërguar në Katar, Emiratet e Bashkuara Arabe dhe Arabinë Saudite, ndërsa një zyrtar tjetër tha se specialistët ukrainas kishin qenë gjithashtu në një bazë ushtarake amerikane në Jordani. "Nuk bëhet fjalë për përfshirje në operacione. Ne nuk jemi në luftë me Iranin", tha Zelenski. "Kjo ka të bëjë me mbrojtjen dhe një vlerësim të plotë nga ana jonë se si t'i kundërvihemi Shahedëve", shtoi ai, duke iu referuar dronëve të zhvilluar nga Irani që moska i ka përdorur masivisht në ukrainë. Ai tha se ajo që do të marrë Ukraina në këmbim të ndihmës ende duhet të diskutohet.