Ushtria amerikane bombardoi një ishull të vogël pranë brigjeve të Iranit ku ndodhet një terminal i madh nafte që konsiderohet si burimi kryesor i jetës ekonomike të vendit. Presidenti amerikan tha se objektet ushtarake të Ishullit Kharg ishin “shkatërruar plotësisht”, dhe paralajmëroi Iranin se pasojat mund të jenë edhe më të rënda në rast se ndërpritet kalimi i sigurt i anijeve përmes Ngushticës së Hormuzit, një nga kanalet më të rëndësishme të transportit detar në botë, i vendosur në jug të bregdetit të Iranit. Por pse është i rëndësishëm ishulli Kharg për Iranin? Shkëmb i vogël vetëm (24 km) larg bregdetit të Iranit është një nga pjesët më kritike të infrastrukturës energjetike të këtij vendi, shkruan BBC. Nëntëdhjetë përqind e naftës së papërpunuar të Iranit vjen përmes një terminali në ishull. Anije cisternash shumë të mëdha, të afta të transportojnë deri në 85 milionë gallonë naftë janë në gjendje të vijnë deri në skelat e gjata të ishullit për të mbledhur naftën. Bregu i ishullit është mjaft afër ujërave të thella, ndryshe nga bregu më i cekët i Oranit. Si një terminal për eksportin e naftës iraniane, ishulli ofron një burim të madh të ardhurash për Trupat e Gardës Revolucionare Islamike (IRGC). Prandaj edhe goditja e SHBA-së ndaj këtij ishulli të vogël, jetësor në veri të Gjirit është si të godasësh venën jugulare ekonomike të Iranit. Së fundmi ka edhe spekulime që forcat amerikane do yë përpiqen në një moment të caktuar të pushtojnë ishullin, cka do të pengonte eksportet e naftës së Iranit, por gjithashtu mund të ofronte një platformë nga e cila mund të kryheshin sulme ndaj vetë Iranit.