Koreja e Veriut testoi lëshuesit e raketave me kapacitet bërthamor, raportoi media shtetërore të dielën, një ditë pasi Seuli zbuloi lëshimin e rreth 10 raketave balistike. Testi vjen pasi forcat e Koresë së Jugut dhe SHBA-së filluan stërvitjet e tyre ushtarake pranverore, të cilat do të zgjasin deri më 19 mars. Udhëheqësi i Koresë së Veriut Kim Jong Un mbikëqyri testimin e sistemit të lëshuesve të raketave të shumëfishta, MRLS, të shtunën, tha Agjencia Qendrore Koreane e Lajmeve KCNA. Ajo tha se testi përfshinte 12 lëshues të raketave me precizion ultra të lartë të kalibrit 600 mm dhe dy kompani artilerie. Kim tha se stërvitja u dha armiqve të Phenianit, brenda rrezes së goditjes prej 420 kilometrash, një ndjenjë "shqetësimi" dhe "një kuptim të thellë të fuqisë shkatërruese të armëve bërthamore taktike", raportoi KCNA. Raketa goditën një objektiv në Detin Lindor të Koresë më shumë se 360 km larg, tha KCNA të dielën. Kim Jong un e vlerësoi MRLS-në si një "armë shumë vdekjeprurëse, por tërheqëse". Fotografitë e publikuara nga media shtetërore treguan disa raketa që lëshoheshin nga automjete të mëdha. Një tjetër fotografi tregon Kim-in dhe vajzën e tij Ju Ae duke parë lëshimin nga larg, të shoqëruar nga një zyrtar ushtarak. Ju Ae është parë prej kohësh si në radhë për të sunduar vendin, një perceptim i nxitur nga një sërë daljesh të profilit të lartë kohët e fundit.