Filozofi dhe sociologu gjerman Jürgen Habermas, një nga intelektualët më të rëndësishëm të Gjermanisë pas Luftës së Dytë Botërore, ka ndërruar jetë në moshën 96-vjeçare. Habermas lindi në vitin 1929 në Düsseldorf të Gjermanisë dhe u rrit gjatë periudhës së Gjermanisë naziste. Pas luftës ai studioi filozofi dhe mori doktoraturën në Universitetin e Marburgut, përpara se të bëhej profesor në Universitetin e Frankfurtit. Aty u bë një nga figurat kryesore të Shkollës së Frankfurtit, një rrymë mendimi kritike ndaj kapitalizmit dhe shoqërisë moderne. Një nga veprat e tij më të njohura është libri “Teoria e Veprimit Komunikativ” (1981), ku ai argumenton se shoqëritë funksionojnë dhe zhvillohen përmes dialogut racional dhe komunikimit të lirë mes qytetarëve, jo vetëm përmes pushtetit politik apo ekonomik. Gjatë jetës së tij, Habermas u konsiderua një nga zërat më të rëndësishëm të filozofisë politike dhe debatit publik në Europë.