Vilat e politikanëve dhe biznesmenëve në Brezovicë janë sekuestruar të martën nga policia e Kosovës, në një lëvizje të papritur të Prokurorisë së shtetit. Më shumë se 100 vila dhe hotele janë sekuestruar nën akuzat se kanë ndërtuar pa kriter në parkun kombëtar Sharri duke shkelur normat mjedisore. Sekuestrimet u bënë me urdhër të Prokurorisë së Shtetit, pas raporteve Agjencia për Mbrojtjen e Mjedisit të Kosovës. Autoritetet kanë konfirmuar tashme së ka objekte të sekuestruara që janë në pronësi të politikanëve dhe biznesmenëve.