Shtetet e Bashkuara të Amerikës po rindërtojnë partneritetet tona, të bazuara në parime të përbashkëta si sundimi i ligjit. Në këtë frymë, unë me krenari shpall Çmimin Ndërkombëtar të Departamentit të Shtetit për Kampionët Kundër Korrupsionit dhe nderoj 12 individë të përkushtuar ndaj transparencës dhe llogaridhënies”, deklaroi sekretari amerikan i Shtetit, Anthony Blinken. Në krye të listë së 12 kampionëve në fjalë qëndron Gjyqtari dhe Anëtari i Këshillit të Emërimeve në Drejtësi, Ardian Dvorani. Vlerësimi jepet veçanërisht për shtet që kanë pasur arritje në luftën kundër korrupsionit. “ Jam duke shpallur një Çmim të ri Ndërkombëtar të Kampionëve Antikorrupsion, duke njohur individë që kanë punuar pa u lodhur, shpesh përballë fatkeqësive, për të mbrojtur transparencën, për të luftuar korrupsionin dhe për të siguruar llogaridhënie në vendet e tyre. Siç e ka theksuar Presidenti Joe Biden, angazhimi ynë për të vërtetën, transparencën dhe llogaridhënien është një mision që ne duhet të jetojmë në shtëpi dhe ta ilustrojmë jashtë. Unë përgëzoj përkushtimin e këtyre 12 individëve trima për të njëjtat ideale”, tha sekretari amerikan i shtetit. Vleresimi amerikan vjen në një kohë kur emri I Ardian Dvoranit është lakuar gjatë për përplasjet e tij me presidentin Ilir meta. Dvorani ka qenë i vetmi gjykatës që foli kundër Metës në procesin e skandalit të video-pergjimit të Dritan Priftit. Disa muaj më parë,konflikti u rishfaq këtë radhë në formën e përplasjeve mes Dvoranit dhe presidentit që kërkoi largimin e tij nga detyra duke argumentuar se pas zgjedhjes së tre anëtarëve të rinj në Gjykatën e Lartë, atij I kishte përfunduar afati kushtetues për të qëndruar në detyrë.