Plani I maxhorancës për të kufizuar aksesin e medieve në sallën e seancave plenare, apo edhe në godinën ku zhvillohen mbledhjet e Komisioneve Parlamentare, ka shkaktuar një reagim të gjerë, s inga politika, ashtu edhe nga organizatat e medieve. Së fundmi, 26 organizata ndërkombëtare dhe shqiptare për lirinë e medias dhe shoqërinë civile i kanë dërguar një letër të hapur Kryetarit të Kuvendit të Shqipërisë, Niko Peleshi, dhe drejtuesve të grupeve parlamentare. Në letrën e e rrjetit ‘Safe Journalist’ dhe të organizatave partnere, shprehet shqetësimi se kufizimi I aksesit përmes heqjes së filmimeve të pavarura dhe kufizimit të kontakteve spontane me deputetët, është njëherësh kufizim I lirisë së medias dhe hap pas nga standardet europiane. Organizatat në fjalë, shtrojnë 8 kërkesa, ndër të cilat: • Ruajtja e transparencës dhe aksesit real të gazetarëve në Parlament; • Shmangia e praktikave që kufizojnë pyetjet spontane dhe kontaktin e drejtpërdrejtë me deputetët e ministrat; • Zbatimi i standardeve europiane për lirinë e medias si pjesë e angazhimeve të Shqipërisë në rrugën e integrimit në BE.