Fiskalizimi është një nga reformat e lancuara nga qeveria në vitin 2020 për të cilin ka patur debate të shumta për sa I përket kostove shtesë mbi biznesin dhe pritshmëritë e qeverisë nga aplikimi I tij. Bizneset kanë kundërshtuar gjatë projektin duke renditur kostot shtesë dhe rivalizuar këtë project me faktin se bizneset tashmë I kanë paguar një herë kasat fiskale të cilat janë vlerësuar si të sigurta për sa I përket transaksioneve dhe luftës ndaj informalitetit. Pavarësisht diskutimeve mbi këtë project qeveria ka miratuar fiskalizimin dhe prej datës 1 Janar 2021 të gjithë bizneset të cilat arkëtojnë fonde nga thesari I shtetit për mallrat dhe shërbimet që I ofrojnë qeverisë vendore apo qëndrore, janë të detyruara të kenë të implementuar dhe programin e fiskalizimit, pra faturat elektronike. Për pjesën e bizneseve që operojnë me transaksione me konsumatorët fundorë apo me biznese të tjera afatet shtrihen deri në datën 1 Shtator 2021. Pavarësisht se është reklamuar si një rijësi dhe me efekte të ndjeshme në luftën kundër evazizonit fiscal, duke monitoruar në kohë reale transaksionet, ende nuk është e qartë se sa efektiv është ky system I ri, tepër I përparuar, për të cilin duhet që të kryhen analizat e duhura pas implementimit të tij të plotë në të gjithë sektorët, ku më të rëndësishëm mbeten transaksionet midis biznesit të madh, transaksionet në tregun e hidrokarbureve, por edhe në tregje të tjera ku përfshihen mallrat e akcizës. Kostot e blerjes, implementimit të programeve të fiskalizimit dhe mirëmbajtja e shërbimet e lidhura me to, mbeten ende kosto të pazbardhura për biznesin, I cili edhe në këtë rast e sheh projektin si një kosto shtesë. Gjithashtu, ende nuk ka informacion nëse fiskalizimi do cojë në uljen e vizitave inspektuese në biznese nga ana e tatimorëve dhe sa ndikim do ketë ky sistem në kontrollin në distancë të transaksioneve.