Jeremy Fleming, drejtuesi i agjencinë britanike të spiunazhit elektronik ka paralajëmruar se Kremlini po organizon një sulm kibernetik si pjesë e fushatës së saj ushtarake, si dhe po dërgon mercenarë për të mbështetur fushatën e tij ushtarake të ngecur në Ukrainë. Ai tha se Qendra Britanike e Sigurisë Kibernetike ka gjetur shenja të "synimit të vazhdueshëm" nga Rusia për të shkatërruar qeverinë dhe sistemet ushtarake të Ukrainës. Fleming nuk dha detaje të tjera për këto, por tha se Britania dhe aleatët e tjerë perëndimorë do të vazhdojnë të mbështesin Ukrainën në forcimin e mbrojtjes së saj kibernetike. Ky i fundit shtoi gjithashtu se mercenarët rusë po dislokohen në zonat e luftës, duke thënë se grupi privat Wagner po përgatitej të dërgonte "numër të madh personeli" në Ukrainë për të luftuar përkrah ushtarëve rusë. Shtetet e Bashkuara dhe Bashkimi Evropian e konsiderojnë grupin Ëagner si një vegël të ushtrisë ruse. Kremlini e mohon se ky grup ekziston. Zyrtarët britanikë thanë një ditë më parë se prisnin që grupi Ëagner të dërgonte deri në 1000 mercenarë në Ukrainë pasi ushtria e rregullt ruse pësoi humbje të mëdha.