Rusia ka nisur programin e saj të vaksinimit kunder Covid-19, me klinikat në kryeqytetin Moskë që kanë hapur dyert më së pari për personat më të rrezikuar nga virusi.Vaksina ruse Sputnik V, e regjistruar në muajin gusht, po përdoret për këtë qëllim. Prodhuesit e saj thonë se është 95% efektive dhe nuk shkakton efekte të mëdha anësore, megjtihatë ajo ende po I nënshtrohen testimeve masive. Mijëra njerëz janë regjistruar tashmë për të marrë dozën e parë të vaksines ndërsa nuk është ende e qartë sesa të tilla mund të prodhojë Rusia në një kohë kur priten të realizohen vetëm dy milion doza të vaksinës deri në fund të vitit. Kryetari i bashkisë së Moskës Sergei Sobyanin, i cili njoftoi programin në fillim të javës, tha se në qytetin me 13 milion banorë, vaksina po u ofrohej më së pari atyre që punojnë nëpër shkolla, punonjësve shëndetësore dhe atyre të shërbimit social. Sipas tij, lista do të zgjerohej në momentin që do të ketë më shumë doza të e disponueshme. Një shërbim i regjistrimit në internet lejon banorët e qytetit në profesionet e mësipërme të moshës 18-60 vjeç të rezervojnë takime falas në 70 qendra në mbarë qytetin. Personat që kanë marrë injeksione gjatë 30 ditëve të fundit ose që kanë pasur sëmundje të rrugëve të frymëmarrjes gjatë dy javëve të fundit si dhe ata me probleme kronike dhe gratë shtatzëna, nuk do ta marrin vaksinën në këtë fazë. Cdo individi që do të marrë vaksinën do ti bëhet një injeksion I dytë 21 ditë pas të parit.