Rusia synon të ndryshojë koordinatat gjeografike, duke lëvizur në mënyrë të njëanshme kufirin detar me Lituaninë dhe Finlandën në Detin Baltik përmes një dekreti të publikuar në 21 maj. Lituania dhe Finlanda nuk kanë reaguar ende ndaj vendimit të Rusisë për kufirin detar. Rusia synon përmes këtij dekreti ujërat e detit në pjesën lindore të Gjirit të Finlandës dhe pranë qyteteve Baltiysk dhe Zelenogradsk në rajonin e Kaliningradit, Në dekret thuhej se koordinatat e mëparshme gjeografike dyshohet se ishin regjistruar duke u mbështetur në hartat e lundrimit detar në shkallë të vogël, të cilat bazoheshin në kërkimet e shekullit të 20-të dhe "nuk lejojnë përcaktimin e kufirit të jashtëm të ujërave të brendshme detare" të Rusisë. Koordinatat e vlefshme gjeografike, të vendosura me një dekret të Këshillit të Ministrave të BRSS në 1985, "nuk korrespondojnë plotësisht me situatën aktuale gjeografike", thuhej në dokument. Ministri i Jashtëm lituanez Gabrielius Landsbergis tha një ditë pas publikimit të dekretit se ‘Ky është një përshkallëzim i dukshëm kundër NATO-s dhe BE-së dhe duhet të përballet me një përgjigje të fortë të përshtatshme’.