Vendi i tij është në mesin e një krize gazi por Nicu Popescu përpiqet të mbetet pozitiv. Të hënën, vendi ynë bëri histori – thotë ministri i jashtëm i moldavisë, “Për të parën herë blemë gaz nga një burim që nuk ishte Gazpromi rus”. Ngarkesa e gazit nga polonia ishte një milion metra kub. Por moldavia do të ketë nevojë për shumë më tepër gaz nëse Gazprom bën atë që ka kërcënuar të bëjë: të mbyllë rubinetin e gazit. Deri më tani, 100 për qind e gazit të Moldavisë vjen nga rusia. Por kontrata e furnizimit ka skaduar në fund të shtatorit. Gazprom rriti cmimin dhe moldavia po stërmundohet për ta paguar. Në mungesë trë një kontrate të re, gjigandi rus i energjisë ka reduktuar furnizimet duke e shtyrë moldavinë të shpallë një gjendje emergjence 30 ditore. Gazprom akuzon moldavinë se po shkakton një krizë dhe ka kërkuar pagimin e 709 milionë dollarëve borxhe, që moldavia i kundërshton. Negociatat vazhdojnë. Zyrtarët moldavianë thonë se do të donin të nënshkruanin një kontratë të re me Gazprom por vetëm nëse kushtet do të ishin më të favorshme. Nëse nuk do të ketë një marrëveshje me Rusinë, a do të mundet Moldavia, një nga vendet më të varfra të evropës, të blejë gaz diku tjetër?