Rusia ka nisur procedurën e tërheqjes nga Traktati ndërkombëtar Qiejt e Hapur, një marrëveshje kjo e cila lejon fluturime për mbikëqyrje ajrore mbi dhjetëra shtete pjesëmarrëse. Ministria e Jashtme ruse tha se tërheqja e SHBA-së prej ketij traktati vitin e kaluar “e ka prishur ndjeshëm balancën e interesave të shteteve firmëtare ” dhe se propozimet e Moskes për ta mbajtur gjallë marrëveshjen janë injoruar nga aleatët në Uashington.“Duke pasur parasysh mungesën e përparimit në përpjekjet për t’i hequr pengesat që parandalojnë funksionimin e Traktatit në situatën e re, Ministria e Jashtme ruse ka të drejtë të njoftojë fillimin e procedurave të brendshme për tërheqje nga Traktati për Qiejt e Hapur”, thuhet në deklaratën e saj. Shtetet e Bashkuara u tërhoqen nga traktati në 22 nëntor, duke cituar pikërisht ato që I konsideronin si shklje flagrante nga ana e Rusisë. Moska asokohe e dënoi lëvizjen e Washingtonit sit ë dëmshme për sigurinë e Europës, Shteteve të Bashkuara dhe aleatëve të saj. Traktati i Qiejve të Hapur u nënshkrua në vitin 1992 dhe hyri në fuqi në 2002-shin, duke lejuar 34 anëtarët e tij të kryejnë fluturime të paarmatosura vëzhguese mbi territoret e njëri-tjetrit, për të mbledhur të dhëna për forcat ushtarake dhe aktivitetet. Ithtarët e ujdisë thonë se fluturimet ndihmojnë në krijimin e besimit mes vendeve, pas dëshmojnë mes të tjerash se kundërshtarët nuk po vendosin forca fshehurazi ose nuk po përgatiten të fillojnë sulme.