Media ruse po përgatit qytetarët e saj për një luftë bërthamore me Perëndimin në njëtë ardhme të afërt. Disa media në Moskë, pjesë e makinës së propagandës së Putinit, kanë botuar në mënyrë aktive artikuj që flasin një Armagedon bërthamor mes Rusisë dhe Perëndimit.Gazeta Komsomolskaya Pravda citon "ekspertë" rusë për të shpjeguar se si mund të ndodhë një konflikt i tillë, duke rritur retorikën e luftës bërthamore.Lexuesve u thuhet se Britania dhe Evropa duan të përfshihen në një konflikt me Rusinë.Kjo mund të ndodhë deri në fund të dekadës kur "forcat evropiane të arrijnë gatishmëri të plotë operacionale", raporton gazeta.Kjo vjen pasi një gjeneral i lartë i ushtrisë amerikane kërcënoi të nisë një sulm "rrufe" ndaj një pike të nxehtë ruse që mund të conte në Luftën e tretë botërore.Gazeta argumenton se shumë politikanë dhe figura ushtarake perëndimore kanë kërcënuar me luftë ndërkohë që më pas vjen edhe një kërcënim për një sulm rus kundër perëndimit duke pretenduar se nuk ka asnjë vend në evropë që rusia nuk mund ta godasë. Portali i pavarur i lajmeve Agentsvo tha se raporti në Komsomolskaya Pravda, që thuhet se është gazeta e preferuar e Putinit, "kishte për qëllim të përgatiste opinionin publik rus për një luftë të mundshme me NATO-n".Gjenerali Christopher Donahue, komandant i Ushtrisë së Shteteve të Bashkuara për Evropën dhe Afrikën, tha më herët për mediat amerikane se NATO mund të pushtonte Kaliningradin, fortesën strategjike ushtarake të Moskës në zemër të Evropës.I vendosur midis Polonisë dhe Lituanisë, rajoni i Kaliningradit është militarizuar rëndë nga rusët. Ai është i ndarë nga pjesa tjetër e perandorisë së Putinit, por mund të përdoret prej tij për të nisur një sulm ndaj Evropës. Përvec Kaliningradit, sipas gazetës së Putinit, një pikë tjetër që mund të conte në një luftë të madhe, mund të ishte moldavia. Shërbimi i inteligjencës së jashtme të Rusisë ka paralajmëruar se NATO po e shndërron vendin në një arenë lufte. Ndërkohë, edhe veriu i plantit mund të jetë shkak për nisjen e luftës së tretë botërore, sipas Komsomolskaya Pravda.