Bashkia e Tiranë ka njoftuar këtë të shtunë për disa kufizime që do të ketë në qarkullim në disa rrugë në qendër të Tiranës për shkak të punimeve që po bëhen në Rrugën e Durrësit. Bashkia njofton se projekti i ndërtimit të rrjetit të ri të kanalizimeve dhe rehabilitimi i Rrugës së Durrësit ka hyrë në fazën përfundimtare dhe se ato do të zhvendosen në pjesën nga kryqëzimi të ish “Kafe Flora” deri te sheshi “Skënderbej” dhe për këtë do ketë do të ketë kufizim të qarkullimit. Bëhet me dije se kufizimet do të jenë në segmentin e rrugës së “Durrësit”, nga kryqëzimi me rrugën “Mine Peza” deri te sheshi “Skënderbej”, si dhe pjesërisht në Unazën e Vogël të qytetit, rruga “Ded Gjo Luli”. Sipas njoftimit lidhja e rrugës së Durrësit me sheshin “Skënderbej”, punimet do të kryhen vetëm natën, jo me bllokim të plotë të Unazës, në mënyrë që qarkullimi i automjeteve të jetë i lirë në Unazën e Vogël, rruga “Ded Gjo Luli”.