Policia ka zbardhur detaje nga operacioni i djeshëm, në bashkëpunim me SPAK në një lokal në Kombinat. Policia njofton se operacioni ishte I stimuluar. Mësohet se 4 punonjës të IMT të dyshuar për veprën penale “korrupsion pasiv”, kanë konststuar një tendë brenda oborrit të një banesë në Kombinat, që më pas rezultoi që ishte lokal. Punonjësit e IMT mësohet se I kanë kërkuar pronarit 1000 mijë euro në këmbim që të mos i hiqte tendën e lokalit në Kombinat. Ishte pronari I oblektit që ka kallëziar në polici ngjarjen, duke thënë se I kanë kërkuar ryshfet për të mos hequr tendën. Policia e ka referuar çështjen në Prokurori, dhe më pas në SPAK autorizoi përgjimin ambiental. Shuma e parave u vendos në dispozicion nga ana e policisë, në mënyrë që pronari t’ia jepte punonjësve të IMT. PAratë u vendosën në një zarf, dhe u tërhoqën nga njëri prej punonjësve të IMT, ndërsa tre të tjerët e prisnin në një lokal ngjitur me objektin. Uniformat blu organizuan operacionin, ku brenda në lokal ishin të dyshuarit. Në pranga përfundoi Ferald Fuçia, për të cilin u gjetën prova nga kamerat dhe përgjimet ambientale. Sakaq, në kërkim u shpall Klajdi Zhilla. Ky i fundit mori shumën prej 1000€, ku pasi konstatoi prezencën e policisë e fshehu në banakun e lokalit. Policia ushtroi kontrolle dhe pasi vëzhgoi kamerat e sigurisë, gjeti paratë. Hetimet po ndiqen nga prokurori Sotir Kllapi, teksa GJKKO pritet të caktojë datën për zhvillimin e seancës për masën e sigurisë.