Gjermania mbetet e palëkundur në mbështetjen e saj për Shqipërinë dhe Ballkanin Perëndimor në rrugën drejt integrimit në Bashkimin Europian. Ambasada Gjermane në Tiranë ndau përmes rrjeteve sociale qëndrimin, ku thotë se evropa nuk është vetëm tregu i brendshëm më i madh në botë, por është një premtim për siguri, mirëqënie dhe liri. Ky premtim shtrihet përtej kufijve tanë. Shqipëria ka ndërmarrë reforma të rëndësishme gjatë viteve të fundit. Tani është koha që ky rrugëtim të vazhdohet me vendosmëri. Anëtarësimi në BE nuk është vetëm një proces teknik – zgjerimi është gjeopolitikë. Ne nuk duhet t’ua lëmë fqinjësinë tonë autokratëve, të cilët duan të ushtrojnë ndikim dhe të krijojnë varësi. Rruga drejt BE-së bazohet në kritere të qarta, por qëllimi mbetet anëtarësimi. Ambasada e mbyll reagimin me vendosmërinë për të qëndruar krah Shqipërisë dhe vendeve të tjera të rajonit në rrugën e tyre europiane.