Qeveria planifikon të rrisë pagën minimale në nivelin e 500 eurove brenda vitit të ardhshëm, duke garantuar që për 18 muajt e parë nuk do të ketë asnjë taksë shtesë për punëmarrësit me paga të ulëta. Ndërkohë sipas programit qeverisës, planifikohet që deri në vitin 2030 paga mesatare kombëtare të arrijë në nivelin e një mijë eurove dhe në sektorin publik të jetë 1200 euro. Duke qenë se Shqipëria është hasur me fenomenin e largimit të bluzave të bardha drejt vendeve të Bashkimit Europian, kryesisht Gjermanisë, planifikohet që deri në vitin 2029 të vijojë rritja e pagave të mjekëve dhe infermierëve me 25 për qind, për të ruajtur konkurrueshmërinë. Pagat e ushtarakëve po ashtu do të vijojnë të rriten, pasi tentohet të arrihet mesatarja e NATO-s brenda vitit 2029. Në programin qeverisës parashikohet edhe rritja e pagave të mësuesve, të cilat pritet të arrijnë mesatarisht në 1250 euro brenda vitit 2029. Qeveria ‘Rama 4’ do të synojë po ashtu të ulë informalitetin në tregun e punës përmes rritjes së deklarimit të pagave reale dhe këshillit të punëdhënësve për të rritur bazën e kontibuteve. Përmes kësaj politike, do të tentohet të garantohet deri në fund të vitit 2029 pension minimal prej rreth 400 eurosh për kontrubuesit e plorë dhe pension minimal prej 200 eurosh si pjesë e paketës së mbrojtjes sociale.