Për disa ditë më radhë vendi ynë po përballet me shifra në rrijë të infektimeve me Cocid 19. në dy ditët e fundit infektimet kanë kaluar mbi 1000 raste, ku gjatë së enjtes u shënuan 1052 raste të reja. Por si e analizojnë këtë situatë të shtimit ëty infektimevesSpecialistët e Institutit të Shëndetit Publik . Sipas një prej ekspertëve të ISHP, shkak i infektimeve është mosrespektimi i masave antiCovid dhe grumbullimet nëpër lokale. “Numri i rasteve rritet sepse njerëzit kanë rritur kontaktet me njëri-tjetrin, nuk përdorin maska, restorantet dhe lokalet janë të mbushura” - thotë ekspertja e ISHP, Rovena Daja. Duke u ndalur në elementë të tjerë të pandemisë, Daja, tha se në Tiranë që ka edhe numrin më të madh të rasteve në vend, nuk ka zona të nxehta, pasi i gjithë kryeqyteti është zonë e kuqe. Incidenca javore në Tiranë javën e fundit ka arritur në 432 raste për 100 mijë banorë. “Kryeqyteti nuk është se ka vetëm 1 vatër, 2 ose 3. Në të gjithë qytetin kemi përhapje. Nuk mund tl themi se kemi një zonë të caktuar. Incidenca në Tiranë ka qenë 321,48, ndërsa aktualisht ka shkuar në 432. Në total incidence për 100 mijë banorë për të gjithë Tiranën ka shkuar në 4045”. Sipas të dhënave që disponon ISHP grupmosha më e prekur aktualisht është nga 55-74 vjeç. “Gjatë javës së fundit vazhdon grupmosha 65 deri në 74 vjeç. Ndërkohë 55 deri në 64 vjeç kanë incidencën më të lartë. Megjithatë vihet re edhe një rritje e incidencës në moshat e reja 20 deri në 24 vjeç”, tha për mediat Rovena Daja. Në Shqipëri janë afro 31 mijë raste pozitive aktive dhe Tirana ka më shumë se gjysmën e të infektuarëve.