Numri I viktimave për shkak të uraganit Ida në Shtetet e Bashkuara të Amerikës vijon të rritet. Mediat lokale, kanë bërë me dije se deri më tani 63 persona kanë humbur jetën. Teksa në verilindje të vendit, ende kërkohen njerëz pas tërheqjes së ujit, në Lousiana gati 600 mijë banorë kanë mbetur pa energji elektrike. Uragani goditit Lousianën më datë 29 gusht, duke sjellë erëra me shpejtësi 240 km në orë. Stuhia më tej u dobësua dhe lëvizi drejt veriut, por gjithsesi përmbytjet qenë katastrofike në Bregun Lindor duke marrë jetën e të paktën 50 personave, sipas shifrave të përditësuara të dielën. Reshjet e mëdha të shiut që solli uragani Ida shkaktuan dëme të mëdha materiale, duke shkatërruar biznese, sisteme të transportii publik dhe rreth 1200 banesa. Sipas guvernatores Kathy Hochul, Ida shkaktoi rreth 50 milionë dollarë dëme.